حنا ديجتكس، وكالة تسويق رقمي نشتغل معك على كل شيء يحتاجه براندك عشان يكبر أونلاين
من الـ SEO والإعلانات والسوشيال ميديا إلى المواقع والمتاجر والهوية البصرية. بدون تنظير، وبدون وعود وهمية.
ببساطة، هذا اللي نسويه
نساعد البراندات والشركات تظهر بالشكل الصح، توصل للعملاء المناسبين، وتحوّل وجودها أونلاين إلى شيء يخدم البزنس فعلًا.
نشتغل من أكثر من زاوية؛ نبني الهوية، نصمم المواقع والمتاجر، ندير السوشيال ميديا، نشغّل الحملات الإعلانية، ونشتغل على الـSEO.
مو لازم تحتاج كل شيء. المهم نعرف وش تحتاج فعلًا ونشتغل عليه.
بناء الهوية البصرية والشعارات
تصميم هوية متناسقة ومميزة، من الشعار ودليل الاستخدام إلى المطبوعات والملفات التعريفيّة لبراند يترك بصمة في السوق.
تصميم وتطوير المواقع والمتاجر
واجهات سريعة وتجارب مستخدم (UI/UX) مصممة خصيصاً لزيادة معدل التحويل، متوافقة تماماً مع الجوال ومحركات البحث.
تحسين محركات البحث والذكاء الاصطناعي (SEO)
استراتيجيات سيو واقعية مبنية على الكلمات التي يبحث عنها عملاؤك في السعودية لضمان ظهور موقعك في قوقل وإجابات الـ AI.
إدارة حسابات التواصل الاجتماعي
تخطيط المحتوى، كتابة النصوص التسويقية، التصاميم البصرية، وإدارة التفاعل لربط جمهورك ببراندك بشكل يومي مستمر.
إدارة الحملات الإعلانية الممولة (Paid Ads)
إدارة احترافية للحملات على سناب شات، تيك توك، ميتا (انستغرام وفيسبوك)، وقوقل، مع استهداف دقيق ومتابعة لحظية لعائد الصرف (ROAS) وتحسين مستمر للنتائج.
كيف نتعامل مع شغلنا وعملائنا؟
علاقة مبنية على الواقعية والاحترام المتبادل، بدون لف ولا دوران.
اشتغل معنا، مو بس خلّنا نشتغل لك
أنت تعرف بزنسك أكثر من أي أحد. وإحنا نعرف التسويق والشغل الرقمي. عشان كذا ما نحب نستلم المطلوب ونختفي؛ نفهم معك، نناقش، ونشتغل سوا على الشيء الصح.
بنقول لك إذا كنا نشوف شيء غلط
مو كل فكرة حلوة على الورق تكون مناسبة للبزنس. إذا شفنا أن فيه شيء ما يخدم هدفك، بنقولها لك بوضوح. حتى لو كان هذا الشيء هو الطلب اللي جبتنا عشانه.
نسمع النقد قبل المديح
مو كل ملاحظة معناها إن الشغل فشل، ومو كل شيء سويناه لازم يعجبنا إلى الأبد. نتقبل الملاحظات، نراجع شغلنا، ونعدل لما يكون فيه شيء ممكن يصير أفضل.
ما نحب نحجزك معنا أكثر مما تحتاج
إذا ما كان المشروع يحتاج عقد طويل، ما نحتاج نخليه طويل. نفضّل أن تستمر معنا لأن شغلنا يستاهل الاستمرار، مو لأنك مربوط بعقد.
ما عندنا كلام كبير نثبته لك
ما راح نقول لك إننا بنغير ملامح السوق، ولا إن كل حملة بتصير ضربة الموسم. نشتغل، نختبر، نقيس، ونتعلم من اللي يصير. والنتائج هي اللي تتكلم.
خلّنا نشوف وش ممكن نسوي مع بعض
احكِ لنا عن مشروعك، وخلّنا نفهم وش تحتاج فعلًا قبل ما نتكلم عن الحل.
وش يهمنا في الشغل؟
عندنا أشياء نعتبرها أساسية، مهما كان المشروع أو العميل أو نوع الشغل.
مو مجرد كلام نكتبه على الجدار، بل أشياء نحاول نخليها واضحة في كل شغل يطلع من ديجيتكس.
الصراحة
نقول لك اللي نشوفه، مو اللي تبي تسمعه
إذا كنا نشوف إن فكرة معينة ما تناسب مشروعك، بنقولها لك. وإذا كنا نشوف إن الحل اللي تفكر فيه مو هو الأنسب، بنوضح لك السبب. نعتقد إن دورنا مو إننا نوافق على كل شيء، بل إننا نضيف رأي وخبرة لها قيمة.
الشراكة
الشغل يصير أفضل لما نشتغل سوا
أنت أدرى ببزنسك، وإحنا أدرى بالجانب اللي نشتغل فيه. كل واحد فينا عنده جزء من الصورة، ولما نجمعها مع بعض تطلع القرارات أفضل. عشان كذا نحب النقاش، ونسأل كثير قبل ما نبدأ التنفيذ.
المسؤولية
كل واحد فينا يملك الجزء اللي عليه
ما نحب جملة «مو شغلي» تكون جزء من طريقة عملنا. كل شخص مسؤول عن تخصصه، وعن جودة الجزء اللي بيده، وعن الكلام اللي يوصله للفريق والعميل. وبالنهاية، الشغل يحمل اسم ديجيتكس، مو اسم شخص واحد.
التطور
ما نشتغل بنفس الطريقة لمجرد إننا تعودنا عليها
الـSEO يتغير، المنصات تتغير، سلوك الناس يتغير، والتصميم يتغير. نجرب، نتعلم، ونراجع طريقتنا باستمرار. الشيء اللي كان مناسب أمس مو شرط يكون مناسب اليوم.
طيب، مين DIGIT-X؟
فريق حقيقي وطريقة تفكير عملية تركز على الأثر الفعلي.
الفريق
خلف الشغل فريق من أشخاص يشتغلون في التصميم، التطوير، الـSEO، المحتوى، السوشيال والإعلانات. كل تخصص له دوره، لكن بالنهاية نشتغل كفريق واحد على نفس الهدف.
كيف نشتغل
نحب نفهم قبل ما نقترح، ونخطط قبل ما ننفذ. ما نبدأ من الخدمة التي نريد بيعها؛ نبدأ من الشيء الذي يحتاجه مشروعك فعلًا.
وش يهمنا؟
- 1شغل واضح.
- 2تواصل صريح.
- 3استراتيجيات لها هدف.
- 4وعلاقة ما تحتاج تمثيل.
في النهاية، إحنا ناس تشتغل مع ناس
وراء كل اجتماع، كل استراتيجية، وكل تقرير، فريق حقيقي يفكر ويناقش ويختلف ويراجع قبل ما يوصل لك الشغل.
بيئة عمل مشتركة تجمع الإبداع والتنفيذ
نقاشات مستمرة واختبارات واقعية لضمان أعلى جودة في السوق السعودي.
تواصل مباشر وسريع دون حواجز
تتحدث مع الشخص المتخصص الذي ينفذ مشروعك مباشرة.
"تعاملنا مع ديجيتكس في بناء هويتنا وحضورنا الرقمي، وكانت النتائج مبهرة واحترافية تفوق التوقعات. شريك تقني حقيقي يفهم متطلبات السوق السعودي ويوصلك لهدفك."
المحامي سعد بن يوسف المهنا
مكتب محاماة واستشارات قانونية - الرياض 🇸🇦
مواقع، متاجر إلكترونية، وهويات تجارية متميزة
بأحدث هندسة تسويقية وتجارب تسوق ترفع معدل التحويل
شريك رقمي موثوق منذ عام 2020 في السعودية والخليج
مكاتبنا وفروعنا المعتمدة حول العالم
نعمل عبر منظومة مسجلة رسمياً تمتد من المملكة العربية السعودية وسلطنة عمان إلى المملكة المتحدة، لنضمن أعلى موثوقية وجودة برمجية لعملائنا.
🇸🇦المملكة العربية السعودية
المقر الرئيسي & مركز التجارة الرقمية
مركز تطوير حلول التجارة الإلكترونية، وإدارة المشاريع الرقمية في المملكة والخليج.
عندك مشروع؟ خلّنا نتكلم عنه
تشوف إن طريقتنا تناسبك؟ احكِ لنا عن فكرتك، وخلّنا نفهم وش تحتاج فعلًا قبل ما نتكلم عن الحلول والأسعار.
عقود معتمدة وضمان جودة
جميع أعمالنا تنفذ بعقود رسمية موثقة وسجلات تجارية معتمدة بالمملكة العربية السعودية، مع التزام تام بالجداول الزمنية والنتائج.